Qurban Qurbanov: “Daha güclü rəqiblərə hazırlaşmalıyıq”.

90plus.az xəbər verir ki, “Qarabağ”ın baş məşqçisi Qurban Qurbanov UEFA Çempionlar Liqasının III təsnifat mərhələsinin cavab oyununda “Şkendiya”ya 5:1 hesabı ilə qalib gəldikləri görüşdən sonra mətbuat konfransı keçirib.

Təcrübəli mütəxəssis komandasını və azarkeşləri təbrik edərək bunları deyib:

“Çox vacib və yaxşı qalibiyyət əldə etdik. Azarkeşlərə təşəkkür edirəm, stadionda əsl futbol ab-havası var idi. Oyunumuz getdikcə daha keyfiyyətli olur, futbolçular bir-birini daha yaxşı başa düşür. Qarşıda daha güclü, bacarıqlı rəqiblər olacaq, buna görə daha çox işləməliyik.”

Gənc oyunçu Hikmət Cəbrayılzadənin çıxışını da yüksək qiymətləndirən Qurbanov onun ansambla uyğun futbolçu olduğunu bildirib:

“Hikmət bizə qoşulduğu gündən ustalığını və fiziki göstəricilərini göstərdi. Qarşıdakı matçlarda da şans verməyə çalışacağıq.”

Baş məşqçi pley-off mərhələsində “Ferentsvaroş” və ya “Ludoqorets” rəqibinin kim olmasının fərq etmədiyini vurğulayıb:

“Arzuladığım rəqib yoxdur, kim olsa hazırlaşacağıq.”

Qurbanov Şamaxıda süni örtüklü meydançalarda oyun keçirməyin futbolçulara mənfi təsir etdiyini də qeyd edib:

“Üç komandamızın Şamaxıda oynaması daha aktiv klublar üçün mənfidir. İstər-istəməz motivasiya aşağı düşür, bu da inamsızlığa və zədələrə səbəb ola bilər. Meydança şəraiti məsələsində yaxın zamanda ciddi addımlar atılmalıdır.”