Qurban Qurbanov: “Bu uğur ən çox azarkeşlərimizin haqqıdır”.

90plus.az xəbər verir ki, “Qarabağ”ın baş məşqçisi Qurban Qurbanov komandasının Çempionlar Liqasının əsas mərhələsinə yüksəlməsindən sonra açıqlama verib. Təcrübəli mütəxəssis həm futbolçularını, həm də azarkeşləri təbrik edib:

“Çox gərgin oyun oldu. Futbolçularımı böyük nailiyyət münasibətilə təbrik edirəm. Stadionda uzun zamandır bu qədər möhtəşəm atmosfer görməmişdim. Qələbəni ən çox azarkeşlərimiz haqq edirdi.”

Qurbanov, həmçinin Prezident İlham Əliyevin “Qarabağ”ı təbrik etməsini xüsusi vurğulayıb:

 “Cənab Prezidentin təbrikini böyük qürur hissi ilə qarşıladım. Bu, bir daha göstərir ki, ölkə başçısı daim bizim oyunlarımızı izləyir və komandamıza dəstək olur. Mən də bu tarixi qələbə münasibətilə Prezident İlham Əliyevi və ailəsini ürəkdən təbrik edirəm.”

Azərbaycan Prezidenti İlham Əliyev rəsmi “X” hesabında Ağdam təmsilçisini belə təbrik edib:

“Azərbaycanın ‘Qarabağ’ klubu UEFA Çempionlar Liqasının əsas mərhələsinə yüksələrək futbol tariximizdə yeni bir səhifə açdı. Bütün komanda heyətini və azarkeşləri ürəkdən təbrik edirəm!”