“Qarabağ”ın baş məşqçisi Qurban Qurbanov “Ayntraxt” oyunundan öncə mətbuat konfransında çıxış edib.
90plus.az xəbər verir ki, təcrübəli mütəxəssis jurnalistlərin suallarını cavablayıb:
“Bu gün Azərbaycan üçün ağır gündür. Başımız sağ olsun. Amma sabah Bakıda çox vacib bir futbol gecəsi bizi gözləyir. Hazırlaşmağa vaxtımız az oldu, amma az vaxtda maksimum çalışdıq ki, futbolçuları fiziki baxımdan oyuna hazırlayaq. İnanıram ki, sabah meydanda çox intizamlı bir komanda görəcəyik. ‘Ayntraxt’da baş məşqçi dəyişikliyi bizim üçün sürpriz oldu, fikrimiz qarışdı. Ona görə meydanda çox diqqətli olmalıyıq.”
“Ayntraxt”ı oyuna hazırlayanlardan Aleksandr Mayer 13 il əvvəl “Qarabağ”a üç qol vurmuşdu. Bu, sizinçün əlavə məqamdır?”
Qurbanov: “İndi qol vura bilməyəcək (gülür). Sadəcə tanış simadır, görmək xoş olardı. Rəqib Bundesliqadan gəlir, amma əlimizdə şans varsa, niyə istifadə etməyək? İllərdir istəyirəm ki, qələbəni öz oyunumuzla, bacardığımızla qazanaq.”
Transfer planları ilə bağlı:
“Gözlənti çoxdur, olmalıdır. Maneə olmasa, baş tutacaq. Azı bir keçid olmalıdır”
Rəqib komandalar haqqında:
”Rəqib komandanın problemi var deyə fikirləşmək olmaz. Onlar yüz illərdir futbol oynayır, köklü klubdurlar.
"Ayaks"la oyun haqqında:
“Ayaks”la bağlı danışanda elə fikirlər yaranır ki, sanki zəif komandaya uduzmuşuq. Xeyr. Bu gün də düşünmürəm ki, rəqib düşərgəsində hansısa problem var”
