Qurban Qurbanov: “Bu cür rəqibə qarşı oynamaq xoşdur”.

90plus.az xəbər verir ki, Azərbaycan Kubokunun yarımfinal mərhələsinin ilk matçında “Qarabağ” doğma meydanda “Sabah”la 2:2 hesablı heç-heçə edib. Oyundan sonra baş məşqçi Qurban Qurbanov mətbuat konfransında jurnalistlərin suallarını cavablandırıb.

Qurban Qurbanovun sözləri:

“Azarkeşlərə möhtəşəm atmosferə görə təşəkkür etmək istəyirəm. Sürətli oyun alındı. Qarşımızda çox yaxşı kollektiv var idi. Sona qədər mübarizə aparan bir komandaya qarşı oynadıq. Bizə bu cür rəqibə qarşı oynamaq xoşdur. Son iki matçımız çox baxımlı idi. Cavab oyununda da əlimizdən gələni edəcəyik. Ondan öncə 2 gün sonra ‘Karvan-Yevlax’la çempionatda oyunumuz var, ona hazırlaşmalıyıq.”

Jurnalistlərin suallarına cavablar:

• Baş hakim təyinatı ilə bağlı: “Heç bir narahatlığım yoxdur bu barədə. Müzakirə olunası bir mövzu deyil. Yəqin ki, son vaxtlar formada bir hakim idi. Ona görə də bu matça təyinat almışdı.”
• Kaşukun meydanda az çıxış etməsi: “Sabah’la məsələsi yoxdur. Yəni bu barədə qarşı tərəfin bir planı var, yoxsa yox, bilmirəm. Bizdə hələ ki belə bir düşüncə yoxdur. ‘Sabah’la son çempionat oyununda start heyətdə idi. Yetərincə zaman aldığını düşünürəm. Oyunundan tam razı qalmadığımız məqamlar var. Bunun üzərində çalışacağıq.”
• Kubok və çempionat prioriteti: “Belə bir düşüncəmiz yoxdur. Biz həmişə iddialı olmuşuq hər iki turnirdə də. Olmayacaq, problem yoxdur. Azarkeşlər baxımlı futbol izləsinlər, biz uduzsaq da olar.”
• Azarkeşlərin baxımlı futbol üçün rolu: “İnanın ki, azarkeşlər hər dəfə oyuna bu cür maraq göstərsələr, baxımlı futbol görərlər. İstənilən rəqibə qarşı bu cür oyun görə bilərlər.”
• Oyunun sürətinin avrokubok matçını xatırlatması: “Bəli, xatırlatdı. Çox xoş oldu. Bəzi avrokubok matçlarından da daha çox azarkeş var idi. Baxımlı futbol izləmək çox xoşdur.”
• Cəfərquliyev-Zedadka epizodu: “Düzü, epizodu tam görmədim. Futbolda belə hallar normaldır. Bu cür mübahisələr futbolu bəzəyir. Futbol xarakter oyunudur. Mən ikisini barışdırmaq üçün cəhd etdim. Dambrauskasla da oyundan sonra söhbətimiz oldu. Biz onunla hər zaman oyundan öncə də, sonra da ancaq futbol barədə danışırıq. Futbolda baş verənlər elə orada da qalır. Futbolun da gözəlliyi budur.”
• AFFA rəhbərliyinin fəaliyyətinə münasibət: “Yeni fikir, ideya olanda onun nəticəsini görmək üçün zaman lazımdır. Yeni bir struktur varsa, onu görmək də maraqlı olur. Hər zaman yeni düşüncələr olur futbolumuzun inkişafı üçün. Qeyd etdiyim kimi, bunların nəticəsini görmək üçün zaman lazımdır.”

Cavab oyunu 22 apreldə keçiriləcək və hər iki komanda kubok uğrunda finala çıxmaq üçün mübarizəni davam etdirəcək.