Qvardiola "Man Siti"dən ayrılacağını təsdiqləmədi — "Arsenal" isə çempionu oldu.
90plus.az xəbər verir ki, "Mançester Siti"nin baş məşqçisi Pep Qvardiola 2025/26 mövsümünün sonunda klubu tərk edib-etməyəcəyini təsdiqləməkdən imtina edib. "Siti"nin "Bornemut"la 1-1 heç-heçə etdiyi oyunun ardından "Arsenal"ın Premyer Liqa çempionu olduğu matçdan sonra mütəxəssis təəssüratlarını bölüşüb.
Qvardiola "Sky Sports"a açıqlamasında bunları söyləyib:
"İlk söz sahibi sədr olmalıdır. Mövsüm bitəndən sonra danışıb qərar verəcəyik. Bu klubda olmaq məni dünyanın ən xoşbəxt insanı edir." Məlumatlara görə, ispaniyalı mütəxəssis klubu tərk etdiyi təqdirdə onu Enzo Mareska əvəz edəcək.
Bu nəticə Qvardiola üçün tarixi bir "ilk" oldu — öz məşqçilik karyerasında ilk dəfə ardıcıl iki mövsüm ərzində liqa trofeyini qazana bilmədi.
"Siti"də 10 il ərzində altı dəfə Premier Liqa çempionu olan Qvardiola, bundan əvvəl yalnız 2016/17 və 2019/20 mövsümlərində titulu əldən vermişdi. "Barselona"da dörd mövsümdə üç dəfə La Liqa qalibiyyəti qazanmış, "Bayern Münhen"də isə hər üç mövsümdə Bundesliqa çempionu olmuşdu.
Məğlubiyyətə baxmayaraq, Qvardiola "Arsenal" və onların baş məşqçisi Mikel Arteta'ya təbriklərini çatdırdı: "Arsenal"ı, Mikeli, texniki heyəti və azarkeşləri təbrik edirəm — Premier Liqanı layiqincə qazandılar." Gələcəyə inamla baxan Qvardiola əlavə etdi: "Növbəti mövsüm biz geri qayıdacağıq. "Siti" geri qayıdacaq. Turnirlərdə sonuna kimi mübarizə aparacağıq."
