Qvardiola 1000-ci matçında Liverpula qalibiyyəti belə şərh etdi.

90plus.az xəbər verir ki, “Mançester Siti” baş məşqçisi Pep Qvardiola Premyer Liqanın 13-cü turunda “Liverpul” üzərində qazanılan 3:0 hesablı qələbəni dəyərləndirib. Bu qarşılaşma ispaniyalı mütəxəssisin karyerasında 1000-ci rəsmi oyun olub.

Qvardiola matç öncəsi futbolçularına xüsusi mesaj verdiyini bildirib:

“Komandama dedim ki: ‘Qarşılaşacağınız rəqib Premyer Liqa çempionudur. Bu gün qalib gəlməlisiniz, çünki “Arsenal” xal itirib’”.

Təcrübəli məşqçi komandasının sərgilədiyi futboldan tam razı qalıb:

“Oyun nümayişindən çox razı qaldım. Komandama və futbolçularıma təşəkkür edirəm. Son 10 ilin ən güclü rəqibinə qarşı qələbə qazandıq”.

“Mançester Siti” bu nəticə ilə həm Qvardiolanın yubiley oyununu qələbə ilə qeyd edib, həm də turnir cədvəlinin zirvəsindəki mübarizəsini davam etdirib.