Pep Qvardiola “Mançester Siti”yə Real Madrid oyunu öncəsi istirahət günü verdi.

90plus.az xəbər verir ki, “Mançester Siti”nin baş məşqçisi Pep Qvardiola komandasına Çempionlar Liqasının 1/8 finalında “Real Madrid”lə vacib oyun öncəsi istirahət günü verib. Bu qərar futbol dünyasında qeyri-adi addım kimi qiymətləndirilir.

Futbolçular bu gün məşq etməyəcək və yalnız sabah, yəni oyunun keçiriləcəyi gün komandaya qayıdacaqlar. Qvardiola oxşar yanaşmanı ötən ilin noyabrında “Borussiya Dortmund”la oyundan əvvəl də sınamış və “Mançester Siti” həmin matçda 4:1 hesabı ilə qalib gəlmişdi.

Qeyd: Çempionlar Liqasının ilk oyunu Madriddə 0:3 hesabı ilə “Real Madrid”in xeyrinə bitmişdi. Cavab matçı 17 mart tarixində baş tutacaq.

🗓️ Tarix: 17 mart

⏰ Saat: 00:00

🏟️ Matç: Mançester Siti - Real Madrid