Prezident Rəcəb Tayyib Ərdoğan NBA əfsanəsi Şakil O"Nil ilə görüşdü.
90plus.az xəbər verir ki, Türkiyə Prezidenti Rəcəb Tayyib Ərdoğan ABŞ Milli Basketbol Assosiasiyasının (NBA) əfsanəvi sabiq basketbolçusu Şakil O"Nil ilə bir araya gəlib. Görüş İstanbulda yerləşən "Turkcell Basketbol İnkişaf Mərkəzi"ndə baş tutub.
Tədbir zamanı Ərdoğan və Şakil O"Nil birlikdə basketbol oynayıb, daha sonra basketbol toplarını imzalayıblar. Onlar həmçinin gənc idmançılarla xatirə fotosu çəkdiriblər.
Görüşdə Çalışma və Sosial Təhlükəsizlik naziri Vedat Işıkhan, Gənclər və İdman naziri Osman Aşkın Bak, MİT rəhbəri İbrahim Kalın, AK Partiya sədr müavini Halit Yerebakan, AK Partiya millət vəkilləri Mustafa Varank, Cüneyt Yüksel, Alpay Özalan, Mehmet Muharrem Kasapoğlu və Ünal Karaman da iştirak ediblər.
Bundan əlavə, Türkiyə Basketbol Federasiyasının (TBF) prezidenti Hidayet Türkoğlu, TBF prezidentinin müavini Harun Erdenay və Dünya Etnosport Birliyinin prezidenti Bilal Ərdoğan da tədbirdə yer alıblar.
Tədbir gənclərin idmana marağının artırılması və basketbolun inkişafı baxımından mühüm hadisə kimi qiymətləndirilib.
