İspaniya La Liqasının 12-ci turunda “Real Madrid” səfərdə “Rayo Valyekano” ilə qarşılaşıb. Görüş qolsuz bərabərliklə (0:0) başa çatıb.

90plus.az xəbər verir ki, matça daha aktiv başlayan “Real Madrid” bir neçə real qol imkanı yaratsa da, bu fürsətləri dəyərləndirə bilməyib. İlk yarının sonlarına doğru “Rayo Valyekano” da oyuna daha çox qoşulsa da, ev sahibi komandanın hücumları da nəticəsiz qalıb və fasiləyə 0:0 hesabı ilə gedilib. Oyunun sonlarında “Rayo Valyekano” bir neçə təhlükəli epizod yaratsa da, matçda hesab açılmayıb:

Rayo Valyekano 0-0 Real Madrid 

Bu nəticədən sonra “Real Madrid” xallarını 31-ə yüksəldib və turnir cədvəlində zirvə uğrunda mübarizəsini davam etdirib. “Rayo Valyekano” isə 15 xalla orta sıralarda qərarlaşıb.

”Barselona” bu axşam “Selta Viqo” üzərində qələbə qazansa, La Liqa zirvəsi ilə fərqi cəmi 3 xala endirə bilər.