"Real Madrid" klubu "Benfika"dan sol cinah müdafiəçisi Alvaro Karerası transfer etdiyini rəsmən açıqlayıb.

90plus.az xəbər verir ki, Madrid təmsilçisi 21 yaşlı müdafiəçi üçün "Benfika"ya 50 milyon avro ödəyib. Bu məbləğ Karerası "Real Madrid" tarixindəki ən bahalı sol cinah müdafiəçisi edir. Bu mövqedə əvvəlki rekord 2019-cu ildə "Lion" klubundan 48 milyon avroya transfer olunan Ferlan Mendiyə məxsus idi.

"Real Madrid" bundan əvvəl də "Benfika" ilə bu mövqedə transfer gerçəkləşdirmişdi – 2011-ci ildə Fabio Koentrao 30 milyon avroya Madrid klubuna keçmiş və həmin dövrdə bu mövqedəki ən bahalı transfer olmuşdu.

Mənbələrin məlumatına görə, komandanın baş məşqçisi Xabi Alonso şəxsən Karerasın transferini istədiyini bildirib. O, futbolçunun sürətli və müdafiədə dayanıqlı oyun tərzini yüksək qiymətləndirir.