“Real Madrid” Vinisius Junior ilə müqaviləni uzatmağa yaxındır.
90plus.az xəbər verir ki, İspaniya nəhəngi “Real Madrid”in bir müddətdir daxili transfer çərçivəsində danışıqlar apardığı Vinícius Júnior ilə yeni müqavilə imzalayacağı iddia olunur.
Artıq “Kral klubu”nda 8-ci mövsümünü keçirən braziliyalı hücumçu ötən qış transfer dönəmində tez-tez müxtəlif transfer söz-söhbətləri ilə gündəmə gəlmişdi. Xüsusilə onun adı “Çelsi” ilə hallanırdı. Bu vəziyyət qarşısında Madrid təmsilçisi futbolçusunu başqa nəhəng kluba verməmək üçün hərəkətə keçib.
İspaniyanın “Sport” nəşrinin yaydığı məlumata görə, Vinisius Juniorun müqaviləsini 1 illik opsiya ilə birlikdə 2030-cu ilə qədər uzatmağa çox yaxın olduğu bildirilir.
Xabi Alonso ilə problem yaşamışdı
Mövsümün əvvəlində komandaya qoşulan Xabi Alonso ilə tez-tez mübahisə yaşadığı deyilən Vinisiusun bu səbəbdən klub rəhbərliyi ilə münasibətlərinin də gərginləşdiyi vurğulanırdı. Lakin ispan mütəxəssisin komandadan ayrılmasından sonra braziliyalı futbolçunun rəhbərliklə münasibətlərini nəzərəçarpacaq dərəcədə yaxşılaşdırdığı iddia edilir.
Maliyyə məsələlərində razılıq əldə olunub
Xəbərdə qeyd olunur ki, Vinisius əvvəlcə Kylian Mbappé səviyyəsində maaş tələb etsə də, klub rəhbərliyi maaş limitinin pozulmasına isti yanaşmayıb. Nəticədə tərəflər ortaq məxrəcə gəlib.
Mövsüm performansı
Vinisius Junior cari mövsümdə “Real Madrid” forması ilə bütün turnirlərdə keçirdiyi 36 oyunda 12 qol vurub və 9 məhsuldar ötürmə ilə yadda qalıb.
