“Real Madrid”dən böyük səhv – xatirə videosunda qarışıqlıq oldu!
90plus.az xəbər verir ki, “Real Madrid” 2025-ci ildə vəfat edən tanınmış şəxslərin xatirəsini anmaq üçün hazırladığı videoda ciddi səhvə yol verib.
Klub videoda həmçinin “Liverpul” və Portuqaliya millisinin sabiq futbolçusu Dieqo Jotanın xatirəsini yad edib. Jota və qardaşı, Portuqaliya ikinci divizionunda çıxış edən Andre Teyşeyra da Silva, 3 iyulda İspaniyada baş verən avtomobil qəzasında həlak olmuşdular.
Lakin videoda Jotanın qardaşı əvəzinə hazırda “Elçe”də çıxış edən hücumçu Andre Silvanın fotosu istifadə olunub. Bu qarışıqlıq sosial şəbəkələrdə böyük müzakirə yaradıb.
“Real Madrid” artıq Andre Silvadan rəsmi şəkildə üzr istəyib və səhvin texniki səbəbdən baş verdiyini bildirib.
