AS nəşrinin məlumatına görə, “Real Madrid” böyük məbləğlər qarşılığında ulduzlar əvəzinə gənc istedadlara üstünlük verəcək.
90plus.az xəbər verir ki, keçid dövrü müəyyən suallar yaratsa da, klub son illərdə davamlı uğur gətirən bu modeldən imtina etməyi planlaşdırmır.
25 yaşdan yuxarı bir futbolçuya son böyük sərmayə 6 il əvvəl edilib. Son dövrlərdə Antonio Rüdiger, David Alaba, Kilian Mbappe və Trent Aleksander-Arnold kimi səs-küylü adlar ya azad agent kimi, ya da nisbətən aşağı məbləğ qarşılığında heyətə qatılıb. Hətta Xoselunun 2023-cü ildəki transferi cəmi 2 milyon avroya başa gəlib və sonradan olduqca uğurlu alınıb.
2019-cu ilin yayında Eden Azar, Ferlan Mendi və Luka Yoviçin transferlərindən sonra “Real Madrid” diqqətini uzunmüddətli potensiala malik futbolçulara yönəldib. Bu siyahıya Eduardo Kamavinqa, Orelien Tçuameni, Cud Bellinqem, Arda Güler, Endrik, Din Höysen və Alvaro Karreras kimi gənc oyunçular daxildir.
