Markus Reşford "Mançester Yunayted"dən ayrılır.
90plus.az xəbər verir ki, "Mançester Yunayted"in hücumçusu Markus Reşford karyerasında yeni səhifə açmağa hazırlaşır. İngilis futbolçu nəhayət arzuladığı təklifi alıb və yaxın vaxtlarda klubdan ayrılması gündəmdədir.
Ruben Amorimin planlarında yer almayan və ötən mövsümün qış fasiləsində "Aston Villa"da icarə əsasında çıxış edən Reşford "Mançester Yunayted"dən ayrılmağa hazırlaşır.
Sky Sports Almaniyanın yaydığı məlumata görə, "Barselona" cinah xəttini gücləndirmək məqsədilə Reşfordla danışıqlara başlayıb. Kataloniya təmsilçisi futbolçunun transferi üçün ciddi addımlar atır.
İngiltərəli futbolçu daha əvvəl digər təklifləri rədd edərək məhz "Barselona"ya keçmək istədiyini bildirmişdi. Reşford bu transferin baş tutması üçün illik maaşında azalmağa da razı olub və hazırda klublar arasında razılaşmanı gözləyir.
Qeyd: "Barselona" daha əvvəl "Atletik Bilbao"nun futbolçusu Niko Vilyamsı transfer etmək istəyirdi. Lakin "Bilbao" klubu oyunçunun müqaviləsini 10 illik müddətə uzatdığı və tələb olunan məbləği artırdığı üçün bu transfer reallaşmayıb. Beləliklə, klub diqqətini Reşfordun transferinə yönəldib.
