“River Pleyt” Monumental stadionunu böyütmək və örtmək üçün 100 milyon dollarlıq maliyyə əldə etdi.

90plus.az xəbər verir ki, Argentina klubu “River Pleyt” beynəlxalq maliyyələşmə ilə Monumental stadionunu genişləndirmək və örtmək layihəsini maliyyələşdirib. Layihənin həcmi 100 milyon ABŞ dollarına çatır və bu, klub tarixində misli görünməmiş maliyyə əməliyyatıdır.

Məlumata görə, kredit yalnız gələcəkdə stadion əməliyyatlarından, konsertlərdən və arenanın adının satılmasından əldə olunacaq gəlirlərlə geri ödənəcək.

Layihənin tamamlanması üçün təxminən 36 ay nəzərdə tutulub və stadion 2029-cu ilin aprel ayında istifadəyə veriləcək.

Klub rəhbərliyi bu addımı “River Pleyt”in infrastrukturu və gələcək gəlir potensialını gücləndirmək üçün strateji qərar olaraq qiymətləndirir. Monumental stadionunun modernləşdirilməsi həm yerli, həm də beynəlxalq səviyyədə klubun nüfuzunu artıracaq.