“Roma” “İnter”in Manu Kone üçün təklifini qəti şəkildə rədd edib.

90plus.az xəbər verir ki, bu barədə “Sky Sport Italia” məlumat yayıb.

Dünən “İnter”in “Roma”nın yarımmüdafiəçisi Manu Kone ilə maraqlandığı xəbəri yayılmışdı. Fransalı futbolçu “neradzurri”nin dayaq yarımmüdafiə xəttinə gücləndirmə kimi diqqətini çəkib.

Məlumata görə, “İnter” təxminən 45 milyon avro dəyərində təklif irəli sürməyə hazır olub.

"Roma" Kone təklifini rədd etdi

Lakin Di Marçionun sözlərinə görə, “Roma” bu təklifi ciddi şəkildə nəzərdən keçirdikdən sonra rədd edib. “Sarı-qırmızılar” fransalı futbolçunu bu yay satmaq istəmir.

Fabrizio Romano yazır ki, Fridkin ailəsi baş məşqçi Can Pyero Qasperinin Manu Koneyi vacib oyunçu kimi göstərməsindən sonra futbolçunu "satılmaz" hesab edir.

Beləliklə,  “İnter” bu məsələni daha da irəlilətməyəcək. Milan klubu 24 yaşlı futbolçunu yalnız müəyyən qiymətə əldə etmək imkanını nəzərdən keçirirdi, lakin büdcəni aşmaq niyyətində deyil.

Nəticədə, “İnter” yay transfer pəncərəsinin son iki həftəsində planlarını yenidən nəzərdən keçirəcək.