“Roma” Məhəmməd Salahın yüksək səviyyəli geri dönüşünü istyir. Misirli hücumçunun “Liverpul”dakı gələcəyi ilə bağlı qeyri-müəyyənlik artmaqdadır.
90plus.az xəbər verir ki, La Repubblica nəşrinin məlumatına görə, son həftələrdə Salah ilə “Liverpul” arasındakı münasibətlər pisləşib. Ötən yaz 2027-ci ilə qədər yeni müqavilə imzalamasına baxmayaraq, baş məşqçi Arne Slotla gərginliyin artdığı bildirilir. Xüsusilə bəzi əsas oyunlardan kənarda qalması və ictimai açıqlamalar tərəflər arasındakı münasibətləri daha da gərginləşdirib.
“Liverpul” yanvar ayında icarə variantına açıq ola bilər, lakin maliyyə məsələləri ciddi maneə olaraq qalır. Salah mövsümə görə təxminən 24 milyon avro maaş alır. Bu isə o deməkdir ki, futbolçu maaşında endirimə razılaşsa belə, 6 aylıq icarə “Roma”ya təxminən 12 milyon avroya başa gələ bilər.
Hazırda Salah transferi real danışıqlardan çox “xəyal ssenarisi” kimi dəyərləndirilir. Baş məşqçi Can Pyero Qasperiniyə bu keçidlə bağlı hər hansı vəd verilməyib və klub daha real hücum variantları üzərində də işləyir.
Bu baxımdan əsas namizədlərdən biri Cakomo Raspadoridir. Xəbərlərə görə, “Atletiko Madrid”in də iştirak etdiyi danışıqlar artıq irəliləmiş mərhələdədir. Razılaşma Çempionlar Liqasına vəsiqə ilə bağlı satınalma öhdəliyi şərti ilə icarə formasında ola bilər və dəyəri təxminən 20 milyon avro təşkil edir. Digər alternativ Coşua Zirkzeedir, lakin “Mançester Yunayted”in yanvarın ortasından əvvəl bu keçidə icazə verməsi gözlənilmir.
