“Roma”nın müdafiəçisi Kostas Tsimikas qış transfer pəncərəsində klubunu tərk edə bilər.

90plus.az xəbər verir ki, bu barədə insayder Nikolo Şira məlumat yayıb. Müqavilə ilə “Liverpul”a məxsus olan 29 yaşlı yunanıstanlı futbolçu ilə İngiltərə Premyer Liqasından iki klub maraqlanır.

Tsimikas hazırda “Roma”da icarə əsasında çıxış edir, lakin baş məşqçi Can Pyero Qasperininin planlarında yer almır. İtaliya klubu yanvar ayında futbolçunun icarə müqaviləsini vaxtından əvvəl ləğv etməyi nəzərdən keçirir.

Cari mövsümdə Tsimikas “canavarlar”ın heyətində bütün turnirlərdə 13 matça çıxıb, 1 məhsuldar ötürmə edib və ümumilikdə 525 dəqiqə meydanda olub.