“Başakşəhər” “Roma”dan Eldor Şomurodovu heyətinə qatdı.
90plus.az xəbər verir ki, Türkiyə Super Liqasının təmsilçilərindən olan “Başakşəhər” heyətini yeni hücumçu ilə gücləndirib. Klub İtaliyanın “Roma” komandasından Eldor Şomurodovu 2025/26 mövsümünün sonuna qədər satınalma hüququ ilə icarəyə götürdüyünü açıqlayıb.
Klubun rəsmi açıqlamasında bildirilib:
“Klubumuz İtaliya təmsilçilərindən ‘Roma’ klubunun oyunçusu Eldor Şomurodovla 2025–2026 mövsümünün sonuna qədər, satınalma opsiyonu ilə icarə əsasında razılığa gəlib. Özbəkistan millisinin üzvü olan futbolçuya ailəmizə xoş gəldin deyir, narıncı-göy formamızla uğurlar arzulayırıq.”
30 yaşlı Şomurodov “Roma”nın heyətində 85 oyuna çıxıb, bu matçlarda 13 qol vurub və 11 məhsuldar ötürmə ilə yadda qalıb.
