Portuqaliyalı ulduz futbolçu Kristiano Ronaldo Olimpiya çempionu və dağ xizəyi əfsanəsi Lindsey Vonna dəstəyini nümayiş etdirib.

90plus.az xəbər verir ki, bu yaxınlarda ayağının amputasiyadan xilas olunması üçün əməliyyat keçirən Vonn sosial şəbəkə hesabında paylaşım edib. Ronaldo isə həmin paylaşımın şərh bölməsində təsirli sözlər yazaraq idmançıya mənəvi dəstək olub.

Portuqaliyalı futbolçu mesajında bunları qeyd edib:

“Çempionlar qazandıqları və təslim olmaqdan imtina etdikləri anlarla seçilir. Fəth etdiyin dağlar heç vaxt sənin daxilində daşıdığın gücdən böyük olmayıb. Mübarizəni davam etdir. Əfsanələr hər zaman ayağa qalxır”.

Ronaldonun bu sözləri qısa müddətdə sosial şəbəkələrdə geniş yayılıb və azarkeşlər tərəfindən böyük rəğbətlə qarşılanıb.