“Qo Ehed İqls” futbolçusu Viktor Edvardsen “Ştutqart”la oyundakı davranışına görə rəsmi şəkildə üzr istəyib.
90plus.az xəbər verir ki, “Qo Ehed İqls” komandasının hücumçusu Viktor Edvardsen Avropa Liqasının qrup mərhələsində “Ştutqart” qarşısında alınan 0:4 hesablı məğlubiyyət zamanı göstərdiyi qeyri-etik davranışa görə rəsmi şəkildə üzr istəyib.
Edvardsen rəqib futbolçu Stilleri ələ salmaq məqsədilə burnunu göstərən jest etdiyinə görə sarı vərəqə almışdı. Klub onun adından ictimai üzr də yayıb.
Futbolçuya 500 avro cərimə kəsilib və bu vəsaitin klubun sosial layihələrinə yönəldiləcəyi bildirilib.
Edvardsen açıqlamasında belə deyib:
“Dünənki davranışım üçün üzr istəyirəm. Futbol meydanında yeri olmayan söz və hərəkətlər etdim. ‘Ştutqart’ın paltardəyişmə otağına gedib şəxsən üzrümü çatdırdım. Nümunə olan biri kimi məsuliyyətli davranmaq mənim borcumdur.”
Hadisədən sonra atılan addım həm klub daxilində, həm də futbol ictimaiyyətində müsbət qarşılanıb.
Həmçinin oxu:
