“Mançester Yunayted”in baş məşqçisi Ruben Amorim komandasının oyun sistemini daha da gücləndirmək üçün heyətə yeni cinah müdafiəçisi transferinin vacib olduğunu bildirib.
90plus.az xəbər verir ki, o, hazırda sağ cinahda çıxış edən solaxay Amad Diallonun oyun üslubunu balanslaşdırmaq üçün sol tərəfdə də eyni tipli sağ ayaqlı bir futbolçuya ehtiyac duyduğunu vurğulayıb.
Amorim açıqlamasında belə deyib:
“Komandanın xüsusiyyətlərini yaxşılaşdırmaq üçün vaxta ehtiyacımız var. Son bir ildə bunu dəfələrlə demişəm. Məsələn, son oyunda ‘Everton’a qarşı 10 nəfərlə oynayan rəqibə qarşı digər tərəfdə sağ ayaqlı bir Amad tipli futbolçuya ehtiyacımız vardı. Bu cür xüsusiyyətləri zamanla əldə etməyə çalışacağıq ki, daha güclü komanda olaq. Hazırda ideal sistemik quruluşda deyilik, amma hər komanda kimi biz də vaxtla doğru xüsusiyyətləri hər mövqeyə yerləşdirməliyik.”
Amorimin bu açıqlamaları “Mançester Yunayted”də qış transfer pəncərəsində cinah müdafiəçisi mövqeyində dəyişikliklər ola biləcəyini göstərir.
