Rüfət Abdullazadə karyerasını Xorvatiyada davam etdirəcək.

90plus.az xəbər verir ki, azərbaycanlı yarımmüdafiəçi Rüfət Abdullazadə yeni klubunu seçib. 24 yaşlı futbolçu Xorvatiyanın yüksək liqa təmsilçisi “Varazdin”lə müqavilə imzalayıb.

Klubun rəsmi saytının yaydığı məlumata görə, Abdullazadə ilə 3 illik müqavilə bağlanıb. Onun transfer prosesi “Asadov Pro Bridge” agentliyinin rəhbəri Emin Əsədovun vasitəçiliyi ilə baş tutub.

Rüfət ötən həftə “Səbail”dən ayrılmışdı. O, peşəkar karyerası ərzində daha əvvəl “Sumqayıt” klubunda da çıxış edib.

Beləliklə, gənc yarımmüdafiəçi ilk legioner təcrübəsinə başlayır və Xorvatiyada özünü sübut etməyə çalışacaq.