Rumıniya millisində baş məşqçi məsələsi ilə bağlı qeyri-müəyyənlik davam edir.

90plus.az xəbər verir ki, yığmanın baş məşqçisi Mirça Luçeskunun postundan ayrılacağı gözlənilsə də, onun yerinə əsas namizəd sayılan Corce Haci ilə bağlı gözlənilməz açıqlama verilib.

Məlumata görə, rumıniyalı mütəxəssisin meneceri Covanni Bekali Hacinin milli komandaya gəlişinin hələlik dəqiqləşmədiyini bildirib. O qeyd edib ki, bu məsələ ilə bağlı konkret razılıq yoxdur və yayılan xəbərlər daha çox ehtimallara əsaslanır.

Covanni Bekali əlavə edib ki, əgər yaxın 10 gün ərzində Corce Haci üçün başqa təklif olarsa, o zaman onun Rumıniya millisinin baş məşqçisi olmaq ehtimalı tamamilə aradan qalxa bilər.

Qeyd: Rumıniya yığması 2026 Dünya Çempionatının pley-off mərhələsində Türkiyəyə məğlub olaraq mundial şansını itirib.