“Liverpul”un hücumçusu Məhəmməd Salahın babası, Əhməd Əbdül Aziz əl-Bambi, fevralın 9-u səhər saatlarında vəfat edib.

90plus.az xəbər verir ki, bu barədə Misir mətbuatı məlumat yayıb. Futbolçunun dayısı və Məhəmməd Salah adına Gənclər Mərkəzinin sədri xəbəri təsdiqləyib.

Bildirilib ki, 33 yaşlı futbolçunun dəfn mərasimində iştirakı hələlik sual altındadır, çünki onun sıx oyun cədvəli mövcuddur. “Liverpul” növbəti oyununu fevralın 11-də Premyer Liqanın 26-cı turunda “Sanderlend”ə qarşı keçirəcək.