Mohamed Salahın "Liverpul"dakı vəziyyəti tam düzəlməyib. O, mövsüm sonuna qədər “Liverpul”da qala bilər.

90plus.az xəbər verir ki, son həftələrdə Mohamed Salah’ın “Liverpul”dakı gələcəyi geniş müzakirə mövzusuna çevrilib. Premyer Liqada “Lids Yunayted”lə oyundan sonra ardıcıl 3-cü dəfə ehtiyatda qalması narazılığa səbəb olmuşdu. Daha sonra Salah komanda yoldaşlarından üzr istəyib və “Brayton” qarşısında heyətə qayıtmışdı.

Hazırda Salah Afrika Millətlər Kubokundadır, amma klub və agenti ilə aparılan danışıqlar vəziyyəti sakitləşdirib. “Liverpul”a bildirilib ki, Salah sadəcə heyət üzvü kimi rol qəbul etməyəcək. İdman direktoru Rişard Hyuz agent Rami Abbas İssa ilə üzbəüz görüşəcək, Salah isə birbaşa iştirak etməyəcək.

Ən real ssenariyə görə, Salah mövsümün sonuna qədər “Liverpul”da qalacaq, yayda isə Səudiyyə Ərəbistanı klublarına keçə bilər.

 Bu, həm klub üçün böyük məbləğ, həm də həftəlik 400 min funt maaşın azad olunması deməkdir. Eyni zamanda, Aleksandr İsakın zədəsi səbəbindən Slot mövsümün sonuna qədər Salahdan maksimum yararlanacaq.