Mo Salah cari mövsümün sonunda — iyun ayında “Liverpul”dan ayrılmaq qərarı aldı!
Və azarkeşlərə emosional ürək sözlərini yolladı!
90plus.az xəbər verir ki, "Liverpul" Salahın 2027-ci ilin iyununa qədər müqaviləsi olmasına baxmayaraq, futbolçunun klubdan azad agent kimi ayrılmasına icazə verəcək.
Klub rəhbərliyi Salahın Enfilddə tarix yazdıqdan sonra karyerasında yeni mərhələ sınamaq istəyini qəbul edib.
Mohamed Salahın açıqlaması:
“Mən heç vaxt təsəvvür etməzdim ki, bu klub, bu şəhər, bu insanlar həyatımın bir parçasına çevriləcək.
Liverpul sadəcə futbol klubu deyil — bu ehtirasdır, tarixdir, ruhdur. Bu klubun bir parçası olmayan insana bunu izah edə bilmərəm.
Biz ən vacib kubokları qazandıq. Həyatımızın ən çətin dövrlərində birlikdə mübarizə apardıq.
Klubda olduğum müddətdə bu klubun bir parçası olan hər kəsə, xüsusilə keçmiş və indiki komanda yoldaşlarıma və azarkeşlərə təşəkkür etmək istəyirəm. Sözlərim kifayət etmir — karyeramın ən yaxşı dövründə mənə göstərdiyiniz dəstəyi və ən çətin vaxtlarda yanımda olmağınızı heç vaxt unutmayacağam.
Ayrılmaq heç vaxt asan deyil. Siz mənə həyatımın ən gözəl illərini verdiniz.
Mən həmişə sizdən biri olacağam! Bu klub həmişə mənim evim olacaq — mənim və ailəm üçün.
Hər şey üçün təşəkkür edirəm. Sizin sayənizdə mən heç vaxt tək yürüməyəcəyəm.”
Salahın agenti: “Mohamedin gələn mövsüm harada oynayacağını bilmirik. Biz bilmiriksə, başqa heç kim də bilə bilməz”.
