Uilyam Saliba “Arsenal”la yeni uzunmüddətli müqavilə imzalayır.
90plus.az xəbər verir ki, “Arsenal”ın mərkəz müdafiəçisi Uilyam Saliba yaxın günlərdə klubla yeni uzunmüddətli müqavilə imzalayacaq. Bu barədə jurnalist Fabrizio Romano və David Ornstein məlumat yayıb.
Məlumata görə, London klubu avqust ayında Saliba və agentinə yeni müqavilə şərtlərini təqdim edib. Son həftələrdə tərəflər təklif üzərində müzakirələr aparıb və indi Saliba razılığı verməyə çox yaxındır.
Yeni müqavilə 5 illik olacaq və 2030-cu ilin iyun ayına qədər qüvvədə qalacaq. Bu addım müdafiəçinin “Arsenal”dakı gələcəyini təmin edəcək və komandada uzunmüddətli sabitlik yaradacaq.
