“Şamaxı” klubu Antonio Lara ilə əməkdaşlığa son qoyub.

90plus.az xəbər verir ki, braziliyalı mərkəz müdafiəçisi ilə bağlanmış müqavilə tərəflərin qarşılıqlı razılığı əsasında ləğv edilib. Bu barədə klubun mətbuat xidməti açıqlama yayıb.

Klub rəhbərliyi futbolçuya komandaya verdiyi töhfəyə görə minnətdarlığını bildirib və ona gələcək karyerasında uğurlar arzulayıb.

Qeyd:  Antonio Lara mövsümün əvvəlindən “Şamaxı”nın formasını geyinirdi. 27 yaşlı futbolçu bölgə təmsilçisinin heyətində 12 rəsmi qarşılaşmada iştirak edib.