Aleksis Sançes: “Barselona”ya sevgim böyükdür, amma özümü saxlaya bilmədim".

90plus.az xəbər verir ki, “Sevilya”nın ulduzu Aleksis Sançes “Barselona”ya qarşı keçirilən oyundan sonra (4:1) maraqlı açıqlama verib. Çilili futbolçu əvvəlcədən eks və doğma klubu "Barsa"ya qol vursa, sevinməyəcəyini desə də, meydanda emosiyalarına hakim ola bilmədiyini etiraf edib:

 “Barselona”ya qol vursam, sevinməyəcəyimi demişdim… Amma sevindim. Bəzən həyəcan və istək məni üstələyir, özümü saxlaya bilmirəm. Düzünü desəm, “Barselona”ya qarşı böyük sevgim var”, – deyə Sançes bildirib.

Təcrübəli hücumçu “Barselona”da 2011–2014-cü illər aralığında çıxış edib və kataloniyalı azarkeşlərin sevimlilərindən biri olub. Buna baxmayaraq, o, keçmiş klubuna qarşı matçda komandasına qələbə qazandıran əsas oyunçulardan biri kimi fərqlənib.

📌 Qeyd: La Liqanın 9-cu turunda “Sevilya” doğma meydanda “Barselona”nı 4:1 hesabı ilə məğlub edib. Hesabı məhz Aleksis Sançes açıb.