Azərbaycan millisinin baş məşqçisi Fernandu Santuş mart ayında Belarusa qarşı baş tutacaq yoldaşlıq matçı üçün heyətə gözlənilməz futbolçu çağıracaq.
90plus.az xəbər verir ki, bu oyunçu "Qəbələ" klubunun 10 nömrəli yarımmüdafiəçisi Şahin Şahniyarovdur.
Son dövrlərdə I Liqanın qarşılaşmalarını yaxından izləyən portuqaliyalı mütəxəssis 20 yaşlı futbolçunu diqqətdə saxlayır.
"Qəbələ" akademiyasının yetirməsi olan gənc oyunçu öz performansı ilə təcrübəli baş məşqçinin marağını cəlb etməyi bacarıb.
Xatırlatma: Azərbaycan – Belarus matçı martın 25-də keçiriləcək.
