İspaniya La Liqasının "Selta Viqo" klubunun 8 illik fasilədən sonra UEFA Avropa Liqasına vəsiqə qazanmasını şəhər küçələrində üstüaçıq avtobus paradı ilə qeyd ediblər.

90plus.az xəbər verir ki, klub La Liqanın son turunda "Xetafe"ni 2:1 hesabı ilə məğlub edərək mövsümü 7-ci pillədə tamamlayıb və Avropa səhnəsinə dönüşünü rəsmiləşdirib. 

Komandanın baş məşqçisi Klaudio Xiraldes bu uğuru "möhtəşəm mövsüm" kimi qiymətləndirərək, "Selta"nın Avropa Liqasına dönüşünü klubun inkişafında yeni bir mərhələ adlandırıb. O, həmçinin qələbədə əsas rol oynayan Aspası klub tarixinin ən böyük oyunçularından biri kimi dəyərləndirib. 

"Selta" 2016/17 mövsümündən sonra ilk dəfə Avropa Liqasına vəsiqə qazanıb.