RƏSMİ: Antuan Semenyo “Mançester Siti”də — 2031-ə qədər müqavilə imzalandı!
90plus.az xəbər verir ki, “Mançester Siti” hücum xəttini gücləndirib. Premyer Liqa çempionu Antuan Semenyonun transferini rəsmən açıqlayıb. Qanalı futbolçu “Bornmut”dan “şəhərlilər”ə keçib və onunla 2031-ci ilin iyununa qədər uzunmüddətli müqavilə imzalanıb.
Məlumata görə, transferin dəyəri 62,5 milyon funt sterlinq, əlavə olaraq 1,5 milyon funt bonus təşkil edir.
Yeni klubu ilə müqavilə imzaladıqdan sonra Antuan Semenyo ambisiyalarını gizlətməyib:
🗣️ Antuan Semenyo: “Hələ pik nöqtəmə çatmamışam. Bu yolun bir hissəsi olmağa və ən yüksək səviyyədə rəqabət aparmağa hazıram. Qarşıdakı çağırışları səbirsizliklə gözləyirəm.”
Bu transferlə birlikdə “Mançester Siti”nin hücum xətti daha da qorxulu görünür. Pep Qvardiolanın sərəncamında artıq aşağıdakı ön xətt formalaşıb:
Erlinq Haaland; Antuan Semenyo və Rayan Şerki
Futbol ictimaiyyətində bu üçlüyün Premyer Liqada və Avropada rəqiblər üçün ciddi problem yaradacağı düşünülür. “Mançester Siti” isə heyətini daha da dərinləşdirərək yeni mövsümə açıq mesaj göndərmiş oldu.
