“Şkendiya”nın baş məşqçisi: “Qarabağ” güclüdür, amma biz də mərhələ adlamağa iddialıyıq”.

90plus.az xəbər verir ki, UEFA Çempionlar Liqasının III təsnifat mərhələsinin ilk oyununda “Qarabağ”la qarşılaşacaq Şimali Makedoniya təmsilçisi “Şkendiya”nın baş məşqçisi Ceton Bekciri mətbuat konfransında açıqlama verib.

Ceton Bekciri bildirib ki, rəqibin gücünü qəbul etsələr də, komandası da mərhələ keçmək üçün bütün imkanlarını səfərbər edəcək:

“Öz gücümüzə inanırıq. Ümid edirik ki, Çempionlar Liqasında yolumuza davam edəcəyik. “Qarabağ” güclü rəqibdir. Amma bizim də yüksək keyfiyyətə malik futbolçularımız var. Növbəti raunda vəsiqə qazanmağa çalışacağıq. Bunun üçün şansımız var. Bu oyuna maksimum köklənməli və aqressiv olmalıyıq. Hər fürsətdən istifadə etməliyik. İlk matç hər şeyi həll etməyəcək. Lakin Bakıdakı cavab qarşılaşması öncəsi sərfəli nəticə əldə etmək istəyirik”.

Qeyd: “Şkendiya” – “Qarabağ” oyunu avqustun 6-da Tetovodakı TETO stadionunda keçiriləcək. Cavab qarşılaşması isə avqustun 13-də Bakıda, Tofiq Bəhramov adına Respublika Stadionunda baş tutacaq.