“Şkendiya”nın baş məşqçisi: “Qarabağ” bir daha güclü rəqib olduğunu sübut etdi”.

90plus.az xəbər verir ki, UEFA Çempionlar Liqasının 3-cü təsnifat mərhələsinin cavab oyununda “Qarabağ”a 1:5 hesabı ilə uduzan “Şkendiya”nın baş məşqçisi Ceton Bekciri matçdan sonra fikirlərini bölüşüb.

Bekciri əvvəlcə Ağdam klubunu təbrik edib:

“Rəqib komandanı qələbə münasibətilə təbrik edirəm. Onlar bizdən daha yaxşı oynadılar. Xüsusilə ilk hissədə çox pis təsir bağışladıq.
Başlıca problemlərimizdən biri erkən qollar buraxmağımız oldu. Çempionlar Liqasında rəqiblər həmişə güclü olur.

Sabahdan bu məğlubiyyəti təhlil edəcəyik və artıq Avropa Liqasının pley-off mərhələsini düşünəcəyik.”

Mütəxəssis məğlubiyyətin komandasına dərs olduğunu bildirib:

“Təbii ki, bu cür nəticə gözləmirdik. İstəyirdik ki, yaxşı nəticə qazanaq. Lakin belə məğlubiyyətlər futbolçulara təcrübə qazandırır. 

Bu oyundan dərs çıxarmağa çalışacağıq.”