İkardi Argentinada polis tərəfindən saxlanılıb.
90plus.az xəbər verir ki, "Qalatasaray"da şəxsi həyatı səbəbindən çətin günlər keçirən Mauro İkardi ilə bağlı gözlənilməz bir hadisə ortaya çıxdı.
Argentina mətbuatında yer alan xəbərə görə, bazar ertəsi xüsusi bir təyyarə ilə Buenos Ayresə gedən İkardi, həyat yoldaşı Vanda Naranın Avenida del Libertadordakı evinə daxil oldu. Argentina mətbuatındakı xəbərlərə görə, L-Qante ilə bir neçə günlüyünə Braziliyaya gedən Vanda Nara qayıtdıqdan sonra Mauro İkardi tərəfindən evə buraxılmadı.
VANDA: İKARDİ, 1 MİLYON DOLARIMI OĞURLADI
L-Qante ilə birlikdə hadisə yerindən ayrılan və ulduz futbolçudan şikayətçi olan Vanda Nara, İkardinin ondan 1 milyon dollar oğurladığını da iddia etdi. Vanda həmçinin sevgilisi L-Qantdən də hamilə olduğunu iddia etdi. Vanda Naranın daha sonra yenidən evə gəldiyi və bu dəfə baş verənləri kameraya çəkdiyi bildirilir.
Naranın ikinci dəfə şikayətindən sonra polislər İkardinin evdən ayrılmasını istədilər. Argentina futbolçusu da bəzi əşyalarını götürərək evdən ayrılmağa razı oldu. Vandanın ikinci şikayətində "cinsiyyətə əsaslanan zorakılığa məruz qaldığını" da iddia etdiyi qeyd edildi. Vanda Nara və İkardinin iki qızı var: Françeska və İzabella. Naranın həmçinin Maksimiliano Lopezdən də 3 uşağı var.
