Əşrəf Hakimi bu gecə yenidən meydanda görünüb. Mərakeş millisinin Zambiya üzərində 3:0 hesabı ilə öndə olduğu vaxt, o, 64-cü dəqiqədə oyuna daxil olub.

90plus.az xəbər verir ki, bu qarşılaşma Hakimi üçün “Atlas Şirləri” ilə 60-cı qələbə kimi tarixə düşüb və onun milli karyerasında əlamətdar mərhələ olub.

Bu qələbə ilə PSJ-nin müdafiəçisi Mərakeş futbolu tarixində milli komanda ilə 60 qələbə həddinə çatan cəmi ikinci futbolçu olub. Bu göstəricidə rekord 63 qələbə ilə Nureddin Naybetə məxsusdur.

Bundan əlavə, 27 yaşlı sağ cinah müdafiəçisi hazırda milli komanda ilə keçirdiyi son 14 oyunun hamısında qələbə qazanıb.

Mərakeş yığması artıq AFCON 2025-də 1/8 final mərhələsinə vəsiqəni təmin etdiyindən, Hakimi yaxın günlərdə Naybetin rekordunu qıra bilər.