Aleksandar Mitroviç "Əl-Hilal"dan ayrılır – yeni ünvanı "Əl-Rəyyan".
90plus.az xəbər verir ki, Səudiyyə Ərəbistanının "Əl-Hilal" klubunda çıxış edən serbiyalı hücumçu Aleksandar Mitroviçin yeni ünvanı məlum olub. İddialara görə, 30 yaşlı forvard "Əl-Hilal"la qarşılıqlı razılıq əsasında yollarını ayırmağa hazırlaşır.
Tanınmış futbol insayderi Fabrizio Romanonun verdiyi məlumata görə, Mitroviç karyerasını Qətər təmsilçisi "Əl-Rəyyan"da davam etdirəcək. Xəbərdə qeyd olunur ki, serb futbolçu "Əl-Rəyyan"la bütün şərtlərdə razılığa gəlib və artıq yeni klubuyla müqavilə imzalayıb.
"Əl-Hilal"da məhsuldar performans
Aleksandar Mitroviç "Əl-Hilal" formasını 79 dəfə geyinib. Bu müddətdə 68 qol vuran təcrübəli forvard 15 məhsuldar ötürmə ilə də yadda qalıb. Onun gedişi "Əl-Hilal" üçün ciddi hücum itkisi kimi qiymətləndirilir.
