Rəsmi: Conatan Tah Bayern Münhenlə 2029-cu ilə qədər müqavilə imzaladı.
90plus.az xəbər verir ki, Almaniya millisinin müdafiəçisi Conatan Tah "Bayer Leverkuzen"lə müqaviləsinin başa çatmasının ardından "Bayern Münhen"ə azad agent kimi keçib. 29 yaşlı futbolçu Bavariya klubu ilə 2029-cu ilin iyun ayına qədər 4 illik müqaviləyə imza atıb.
Tah "Bayern Münhen"in yay transfer planlarının əsas hədəflərindən biri idi. O, Bayer Leverkuzenlə 2024/25 mövsümünün sonunda müqaviləsini yeniləməyəcəyini açıqlamış və bu qərarı ilə azad agent statusu qazanmışdı.
Maraqlıdır ki, Tahın transferi üçün "Barselona" da ciddi maraq göstərmişdi. Lakin maliyyə çətinlikləri səbəbindən katalon klubu bu transferi reallaşdıra bilmədi.
"Bayern Münhen" isə Tahın transferi ilə müdafiə xəttini gücləndirərək, gələcək mövsümlərdə daha sabit və güclü bir komanda qurmağı hədəfləyir.
Qeyd: 29 yaşlı alman müdafiəçi "Bayer Leverkuzen"lə 2015-ci ildən bəri 291 oyuna çıxaraq 15 qol vurub. O, 2023/24 mövsümündə klubla birlikdə Bundesliga çempionluğu və DFB-Pokal kubokunu qazanıb. Bundan əlavə, Tah Almaniya millisində 35 dəfə forma geyinib.
