"Çelsi" Tiaqo Silvanın oğlu İsaqo Silva ilə peşəkar müqavilə imzaladığını rəsmi şəkildə təsdiqləyib.

90plus.az xəbər verir ki, İsaqo noyabr ayında 17 yaşına çatdıqdan sonra ilk peşəkar sözləşməsinə imza atıb.

İsaqo "Çelsi"nin sabiq ulduzu Tiaqo Silvanın böyük oğludur. O, atası "Stemford Bric"də çıxış etdiyi dövrdə klubun akademiyasına qoşulmuşdu.

İsaqo özü də müdafiəçi kimi yetişib. Klubun açıqlamasına görə, o, həm sol cinah müdafiəçisi, həm də mərkəz müdafiəçisi mövqelərində oynaya bilir. Bu mövsüm "Çelsi"nin U17 və U18 komandalarında çıxış edib.

Onun kiçik qardaşı İaqo Silva da "Çelsi" akademiyasının üzvüdür. Hətta bu ilin əvvəlində İngiltərənin U15 yığmasına dəvət alıb.