“Tottenhem”in müdafiəçisi Pedro Porro bud əzələsindən aldığı zədə səbəbindən təxminən dörd həftə yaşıl meydanlardan uzaq qalacaq.

90plus.az xəbər verir ki, 26 yaşlı futbolçu İngiltərə Premyer Liqasının 23-cü turunda “Bernli” ilə 2:2 hesablı qarşılaşma zamanı zədələnib. Bu səbəbdən o, UEFA Çempionlar Liqasının 8-ci turunda “Ayntraxt”la keçiriləcək oyunda komandasına kömək edə bilməyəcək.

Qeyd: Pedro Porro cari mövsümdə bütün turnirlər üzrə 34 matçda meydana çıxıb və 5 məhsuldar ötürmə ilə yadda qalıb.