Misli Premyer Liqasında 14-cü turdan təxirə salınmış oyun keçirilib.

90plus.az xəbər verir ki, tur çərçivəsində “Qəbələ” doğma meydanda “Turan Tovuz”u qəbul edib. Qarşılaşma qonaqların 3:0 hesablı qələbəsi ilə başa çatıb.

Tovuz təmsilçisi hesabı erkən açıb. 9-cu dəqiqədə A.Serrano fərqlənib. 18-ci dəqiqədə F.Ozobiç komandasının üstünlüyünü artırıb. Oyunda son nöqtəni isə 47-ci dəqiqədə rəqib futbolçusu S.Keytanın avtoqolu qoyub.

Bu qələbədən sonra “Turan Tovuz” xallarının sayını 40-a çatdıraraq turnir cədvəlinin 3-cü pilləsində qərarlaşıb. “Qəbələ” isə 15 xalla 10-cu yerdə qalır. Liderliyini 52 xalla “Sabah” davam etdirir. İkinci pillədə isə 45 xalla “Qarabağ” qərarlaşıb.

Misli Premyer Liqası, 14-cü turdan təxirə salınmış oyun:

Qəbələ 0 – 3 Turan Tovuz
A.Serrano 9'
F.Ozobiç 18'
S.Keita 47' (ö.q.)

Turnir cədvəli:
1. Sabah - 52 xal
2. Qarabağ - 45 xal
3. Turan Tovuz - 40 xal
10. Qəbələ - 15 xal