AFFA-nın Apellyasiya Arbitraj Tribunalının növbəti iclası baş tutub.
90plus.az xəbər verir ki, toplantıda "Turan Tovuz" klubunun təqdim etdiyi apellyasiya şikayətinə baxılıb. Nəticədə müraciət qismən təmin olunub.
Belə ki, Azərbaycan Kubokunun 1/4 final mərhələsində "Kəpəz"ə qarşı keçirilən ilk oyunda hakimi itələdiyinə görə birbaşa qırmızı vərəqə ilə meydandan kənarlaşdırılan və daha sonra hakimləri təhqir etdiyi üçün 4 oyunluq cəzalandırılan baş məşqçinin diskvalifikasiyası 3 matça endirilib.
Bundan əlavə, "Turan Tovuz" klubuna tətbiq olunan 10 000 manatlıq cərimə də azaldılaraq 6 000 manat müəyyənləşdirilib.
