Berke Özer Türkiyə millisinin təlim-məşq toplanışını vaxtından əvvəl tərk edib.
90plus.az xəbər verir ki, bu haqda Türkiyə Futbol Federasiyasının mətbuat xidməti açıqlama verib.
"Lille" klubunun qapıçısı DÇ-2026-nın seçmə oyunları çərçivəsində Bolqarıstana qarşı keçirilmiş qarşılaşmanın (6:1) iştirakçı siyahısında yer almadığı üçün narazılığını bildirib. 25 yaşlı qolkiper bu gün heç bir şəxsə məlumat vermədən, rəsmi icazə almadan komandanın düşərgəsini tərk edib.
Onun yerinə "Başakşehir" klubunun qapıçısı Muhammed Şengezer milliyə çağırılıb.
Qeyd: Türkiyə yığması 14 oktyabrda Kocaelidə Gürcüstan millisini qəbul edəcək.
