Türkiyə millisi 2026 Dünya Çempionatı yolunda vacib qələbə qazanıb.
90plus.az xəbər verir ki, pley-off mərhələsinin yarımfinalında Rumıniya ilə qarşılaşan Türkiyə yığması minimal hesabla qalib gəlib – 1:0.
Oyunda yeganə qolu Ferdi Kadıoğlu vurub. Qolun ötürməsini isə Arda Güler edib.
Bu nəticə ilə Türkiyə millisi pley-off mərhələsinin finalına yüksəlib. Komanda növbəti mərhələdə Slovakiya – Kosovo cütünün qalibi ilə qarşılaşacaq.
Qeyd: Türkiyə yığması final oyununda da qalib gələcəyi təqdirdə 2026 Dünya Çempionatına vəsiqə qazanacaq. Həlledici qarşılaşma 31 mart tarixində keçiriləcək.
