Özbəkistanda təlim-məşq toplanışında olan 19 yaşadək futbolçulardan ibarət Azərbaycan millisi bu gün ikinci yoldaşlıq oyununu keçirib.

90plus.az xəbər verir ki, U-19 yığmamız yenidən Özbəkistanın eyni yaş kateqoriyasına aid komandası ilə qarşılaşıb. Daşkənd şəhərinin Dustlik bölgəsində yerləşən eyniadlı stadionda baş tutan qarşılaşma meydan sahiblərinin 3:1 hesablı qələbəsi ilə başa çatıb.

Milli komandamızın yeganə qolunu 16-cı dəqiqədə Şahismayıl Cəfərov vurub.

Qeyd: Bu komandalar arasında oktyabrın 9-da oynanılmış ilk görüş 0:0 hesablı heç-heçə ilə nəticələnmişdi.