Unai Emeri: “Qələbə seriyamız "Arsenal" qarşısında dayandı, amma ümumi nəticələrdən məmnunuq”.
90plus.az xəbər verir ki, "Aston Villa"nın baş məşqçisi Unai Emeri Premyer Liqanın 19-cu turunda "Arsenal"a 1-4 hesablı ağır məğlubiyyətə münasibət bildirib.
“Futbolçulardan çox məmnunam. Təbii ki, oyunu analiz etməliyik, amma ümumilikdə 19-cu turu qazandığımız xallarla (39, 3-cü yer) və keçirdiyimiz həftə ilə başa vururuq. Man Yunayted və Çelsi üzərindəki 2-1 qələbələrdən sonra bu həftə bizim üçün uğurlu keçdi.
Bu gün birinci hissədə çox yaxşı oynadıq, Çelsi ilə oyundan fərqli olaraq. Çox mübarizə apardıq, təşəbbüsü ələ aldıq və fürsətlər yaratdıq. Qapımız qarşısında çox az şans verdik və rəqib birinci hissədə korner belə ala bilmədi.
Amma ikinci hissədə ilk qol hər şeyi dəyişdi. Bundan sonra rəqib təzyiqi artırdı. Üstəlik, Amadou Onananın zədəsi mərkəzdə bütün üstünlüyümüzü əlimizdən aldı və rəqib gücünü göstərdi. Nəticədə uduzduq. İlk qol bəlkə faul ola bilərdi, amma burada İngiltərədə hakimlər qapıçılara kontaktı daha çox icazə verirlər, bu da çətindir. Bunu qəbul etməliyik, çünki hər iki tərəfə işləyir,” – deyə Emeri bildirib.
"Aston Villa"nın rekord qələbə seriyası – 11 oyun – beləliklə başa çatıb.
Emeri əlavə edib: “Futbol indiki an haqqındadır, indi necə hiss etdiyimiz önəmlidir. Bütün etdiyimiz fantastikdir. Ola bilsin, daha yaxşı nəticə gözləyə bilərdik, çünki liqada üçüncüyük və Avropa Liqasında yaxşı gedirik, amma bu günü və oyunçularımızı analiz etməliyik.”
Emeri həmçinin matçdan sonra Mikel Arteta ilə əl sıxışmamasınım səbəbini açıqlayıb: “Oyun bitdikdən sonra adətən tez əl sıxışıram. Mən gözləyirdim. Arteta məşqçi heyəti ilə məşğul idi və mən uzun müddət gözləyə bilməzdim. Hava soyuq idi, sadəcə içəri keçdim.”
Bu hadisə Emireyts Stadionundakı ağır məğlubiyyətdən sonra sosial mediada müzakirələrə səbəb olub.
Qeyd: Hər iki baş məşqçinin Bask kökləri var və Emeri 2018-2019-cu illərdə "Arsenal"ı çalışdırıb, sonra Arteta postu təhvil alıb.
