Usman Dembele 2025-ci ilin FIFA The Best qalibi oldu.

90plus.az xəbər verir ki, Fransa millisinin hücumçusu Usman Dembele 2025-ci il üçün FIFA The Best Player mükafatına layiq görülüb.

Dembele ötən mövsüm həm klubunda, həm də yığmada möhtəşəm forma nümayiş etdirib. O, PSJ-nin Çempionlar Liqası, Liqa 1 və Fransa Kuboku qələbələrinə böyük töhfə verib.

Bu mövsüm Dembele zədələr və fiziki problemlərlə üzləşsə də, keçən mövsüm PSJ üçün əldə etdiyi uğurları heç nə azalda bilməz.

Qeyd: Dembele həm də cari ilin Qızıl Top sahibidir və sentyabr ayında Ballon d’Oru qazanıb.

Beləliklə, Usman Dembele eyni ildə həm Qızıl Top, həm də FIFA The Best qalibi olmağı bacardı!