Vircil Van Deyk Salah məsələsinə münasibət bildirdi – “Liverpul”da gərginlik artır.
90plus.az xəbər verir ki, “Liverpul”un kapitanı Vircil van Deyk son günlər Mo Salah ətrafında yaranmış müzakirələrə cavab verib. Misirli ulduzun ardıcıl matçlarda ehtiyatda qalması və Çempionlar Liqasının “İnter”lə oyununa olan heyətdən çıxarılması komandada vəziyyətin diqqət mərkəzinə çevrilib.
Van Deyk Salah barədə bunları deyib:
“Kiməsə sonsuz şans verilmir. Hər kəs yaxşı çıxış etməlidir. Salah bunu edirdi, amma son iki oyunda qərarı məşqçi verdi. Hamımız klub üçün ən yaxşısını istəyirik. Əminəm ki, Mo hələ də nail olmağa çalışdıqlarımızın böyük bir hissəsi olacaq, çünki o möhtəşəm futbolçudur və bunu daim sübut edib.
Mən bir lider kimi onun yanımda olmasını istəyirəm. Narahat deyiləm. O, məyusdur, amma bu tamamilə normaldır. Əgər ardıcıl iki oyun oynamadıqda məyus olmursansa, deməli başqa problem var”.
Xatırlatma: Mo Salah “İnter”lə qarşılaşma üçün açıqlanan Çempionlar Liqası heyətinə daxil edilməyib. Misirli futbolçu klub daxilində özünə qarşı haqsızlıq edildiyini söyləyərək dünya futbol mediasının diqqətini çəkib.
Hadisələr fonunda “Liverpul”da vəziyyətin necə inkişaf edəcəyi isə növbəti günlərdə daha aydın olacaq.
