"Miluoki Baks" klubunun sərbəst buraxdığı serbiyalı oyun qurucu Vasilije Miçiçin gələcəyi ilə bağlı mühüm bir hadisə yaşanıb. ABŞ-dan ayrılan təcrübəli basketbolçu karyerasını yenidən Avropada davam etdirəcək.

90plus.az xəbər verir ki, Vasilije Miçiç Avropada bir çox top-klubun transfer siyahısında yer alıb. Onunla “Fənərbağça”, “Real Madrid” və “Olimpiakos” kimi nəhəng klublar yaxından maraqlanırdı. Lakin oyunçunun yeni klubu “Hapoel Tel-Əviv” oldu.

Rekord müqavilə

Son iki mövsümdə NBA-də “Şarlott Hornets”, “Oklahome Siti Tandır” və “Feniks Sans” klublarının formasını geyinən Miçiç ümumilikdə 101 oyuna çıxıb. 3 illik müqavilə ilə “Hapoel Tel-Əviv”ə qoşulan oyunçu "Euroleague"in ən çox qazanan basketbolçularından birinə çevriləcək.

Karyerası və performansı

Vasilije Miçiç daha əvvəl Türkiyədə “Anadolu Efes” klubunun formasını geyinmiş və 5 il ərzində 2 “Euroleague” və 3 Türkiyə Basketbol Superliqası çempionluğu qazanmışdı. 2021-ci ildə “Final Four”un ən dəyərli oyunçusu (MVP) seçildikdən sonra NBA-dən təkliflər almağa başlamışdı.

NBA karyerası ərzində 101 oyunda ortalama 6.8 xal və 3.9 asistlə çıxış edən Miçiçin Avropaya dönüşü basketbol ictimaiyyətində maraqla qarşılanıb.